TWEE, die gewilde duo, het hul merk in die musiek bedryf gemaak met die treffer liedjie, Ek Sweer. Hulle het 'n Ghoema toekenning verower vir die beste album in die pop duo kategorie en die enkelsnit, Patensie, het die beste komposisie vir die jaar gewen.

Die groep bestaan uit Herman Kleinhans, die liedjieskrywer en hoofsanger en die talentvolle Danielle Schoeman op klavier en stem.

TWEE het twee albums naamlik Piekniek vir Twee en Sirkels vrygestel wat krities bekroon word vir die dinamiese melodieë en uitstekende lirieke. Met hierdie sukses toer TWEE regoor die land en bied vermaak vir die hele familie van oud tot jonk.